ចម្រៀង បទ ៉ឆន្ទៈទ័ពមួកខៀវ ៉ លំនាំបទ ៉ នាវាជីវិត ៉

១~លេីកកិត្តិយសជាតិ បងឃ្លាតឃ្លាពីពាលពៅ ទុកចោលអូននៅកំព្រាឯកា ចេញបេសកកម្ម ទាំងចិត្តហានក្លា សូមកែវជីវ៉ាកុំឡេីយព្រួយភ័យ។

២~ទ័ពខ្មែរមួកខៀវ ក្លាក្លៀវមឺុងម៉ាតពុះពារ ស្តាប់មេបញ្ជាគោរពវិន័យ បងឆ្ងាយតែប្រាណ ចិត្តនៅនិងថ្លៃ មិនយូរវិលវៃជួបកល្យាណ។

R~កិត្តិគុណប្រទេស ត្រូវការរូបបង សូមកែវស្នេហ៍ស្នងឲ្យពរប្រុសប្រាណ ជ្រោងកិត្តិស័ព្ទជាតិ ត្រដែតឲ្យបាន ជឿចុះស្រស់ភុំផាន បងវិលវិញដោយជាញជ័យ។

៣~ទ័ពយេីងហានក្លា កៀកស្មាទ័ពអន្តរជាតិ ជាតិសាសន៍ឯទៀតសរសេីរស្នាដៃ ឆន្ទៈមោះមុតសាមគ្គីពួតដៃ គេសាទរក្រៃទ័ពខ្មែរល្អ។

R~ចូរគូជីវិត សំអិតចិត្តប្រាណ ចាំបងវិលថ្កានជួបជុំសប្បាយ កម្ពុជាយេីងល្បីល្បាញសុះសាយ តាំងចិត្តកុំបែកណាយ តម្លៃស្នេហ៍ស្មោះភក្តី។

៤~នៅគេស្រលាញ់ ចាកចេញគេនឹកអាណិត ពាក្យពីព្រេងព្រឹទ្ធពិតជាមានន័យ ប្រឹក្សាគំនិតយុទ្ធមិត្តរួមផ្ទៃ បុព្វហេតុស្នាដៃជូនប្រទេសជាតិ៕

និពន្ធនិងច្រៀងដោយ៖ ផា ច័ន្ទរ៉ា

និពន្ធនៅ Uganda,UN Transit Camp 14/05/2017

មជ្ឈមណ្ឌលជាតិ គ្រប់គ្រងកងកម្លាំងរក្សាសន្តិភាព