កម្ពុជានឹងបញ្ជូនទ័ពមួកខៀវជាង៤០០នាក់ទៅបេសកកម្មUN ភ្នំពេញ៖ នៅចុងខែមករា និងពាក់កណ្តាលខែកុម្ភៈ ឆ្នាំ២០២២ កម្ពុជានឹងបញ្ជូនកងទ័ពមួកខៀវ ទៅចូលរួមបំពេញបេសកកម្មអង្គការសហប្រជាជាតិ នៅសាធារណរដ្ឋលីបង់ចំនួន ១៨៤នាក់ ជាកម្លាំងវិស្វកម្មពហុជំនាញ និងទៅសាធារណរដ្ឋអាហ្វ្រិកកណ្តាល ចំនួន២១៩ ជាកម្លាំងវិស្វកម្មនិងកងកំទេចគ្រឿងផ្ទុះ ដើម្បីប្តូរវេនកម្លាំងចាស់ដែលត្រូវបញ្ចប់បេសកកម្មរយៈពេល១ឆ្នាំ។
ប្រមុខទ័ពមួកខៀវកម្ពុជាសូមឱ្យកងទ័ពទាំងអស់ចូលរួមចាក់វ៉ាក់សាំងដូសជំរុញគ្រប់ៗគ្នា ភ្នំពេញ៖ ប្រមុខកងទ័ពមួកខៀវកម្ពុជា ឯកឧត្តម នាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព ជំរុញឱ្យ នាយទាហា នាយទាហានរង និងពលទាហានទាំងអស់ ចូលរួមចាក់វ៉ាក់សាំងដូសជំរុញ (ដូសទី៤)បង្ការជំងឺកូវីដ១៩ ឱ្យបានគ្រប់ៗគ្នា។ ឯកឧត្តម នាយឧត្តមសេនីយ៍ មានប្រសាសន៍ដូច្នេះ ក្នុងពិធីសំណេះសំណាលជាមួយនាយទាហាន នាយទាហានរង និងពលទាហាន នៃមណ្ឌល ជាតិរក្សាសន្តិភាព នៅទីស្តីការមជ្ឈមណ្ឌល នាព្រឹកថ្ងៃទី១៩ ខែមករា ឆ្នាំ២០២២នេះ។
កំពង់ស្ពឺ៖ នៅថ្ងៃទី១៨ ខែមករា ឆ្នាំ២០២២ ឯកឧត្តម នាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព ជួបសំណេះសំណាល ជាមួយកងទ័ពមួកខៀវកម្ពុជា ចំនួន២កងត្រៀមចេញទៅបំពេញបេសកកម្មអង្គការសហប្រជាជាតិនៅសាធារណៈរដ្ឋលីបង់ និងសាធារណៈរដ្ឋអាហ្វ្រិកកណ្តាល នៅក្នុងខែកុម្ភៈ ឆ្នាំ២០២២ ខាងមុខនេះ។
ខ្មែរ
English
Français
